|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
NUNTII 
ITER PAPALE BRITANNICUM Benedictus XVI dialogum cum ecclesia Anglicana intendit
Praeterea non pauci Britannici in Summum Pontificem vituperationes et tumultum parant, propter aliquot sacerdotum Catholicorum in minores natu sexuales abusus, qui quondam in Europa acciderunt, sed qui nuper sunt palam pernoti; Benedictus XVI iam veniam publice petivit. Anno 1980 Ioannes Paulus II privatus in Britanniam peregrinavit in itinere quod pastorale vocatur; Benedictus vero XVI primus sub nomine Praefecti Statalis (id est Vaticani) coram Regina Anglica verba faciet; etiam Cardinalem Ioannem Henricum Newman (1801-1890) Ecclesiae beatum declarabit, qui iampridem ex religione Anglica in Catholicam conversus est et diligentissime pro institutione Catholica praesertim universitaria elaboravit. Ecclesia Anglica anno 1534 instituta est ab Henrico VIII cum a Vaticano discesisset ob suum ab uxore priore Catalina Aragonensi divortium; exinde Catholici et Anglici in sepositas ecclesias congregantur. Fons: Diarius El Mercurio de Santiago, 14, sept. 2010. Scripsit Paulus Kangiser - 15/09/2010 16h22
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Die Iovis 16 m.
Sept. Summus Pontifex publice ut praefectus statalis a Regina
Elizabetha II vocatus in Britanniam ibit; in qua occasione nexum
appropinquare intendet cum ecclesia Anglicana, quorum fideles
altercationibus disiunguntur de feminis sacerdotibus et de
episcopis homosexualibus, adeo ut quidam ad ecclesiam
Catholicam se adscribere conantur; id quoque in Pontificis
mente optari videtur eisdemque aditum patefacere.
