|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
NUNTII
Nummarii Vaticani sub iudicibus ItalicisNummariae Vaticanae Praeses (cuius sedem in imagine conspicis) atque Director Generalis a iudicibus Italicis vestigantur quod leges mensarias violaverint et quod pecuniam illegitime partam “laverint”. Vox “lavatio pecuniae” venit ab Unitis Statibus ubi ineunte saeculo XX quidam maffiosus, Alfredus Capone, quo facilius proventus scelere adeptos possit aperte adipisci, negotiolos fingebat ad vestes et camisias et similia lavanda dicebatque eo modo pecuniam quoque lautam esse. Unio autem Europaea magnam habet curam ne pecuniae lavatio agatur modo veniat ab tromocratibus modo ab substantiis stupefactivis. Omnis pecunia sub Italorum iudicum vestigatione esset dollarum fere 30.000 milia. Incusantur propterea quod nuper nomina clientum (sensu hodierno) celeverint neque auctoritates de hac re certiores fecerint ; duo enim ignoti viri pecuniam in nummaria collocaverant, alter dollarum 26.000 millia alter 4.000 milia. Cum nomina celaverint putatur Hectorem (Ettore) Gotti Praesidem et Paulum (Paolo) Cipriani Directorem Generalem illegitime egisse. A fontibus Vaticanis auditur hae collocationes non fuisse nisi transductiones inter eiusdem nummariae computos, in quibus nullae leges vulnerantur.Praetera ambos viros summa fiducia esse Vaticanus affirmavit (El Mercurio de Santiago, 22 sept.2010) Utinam accusatio sit falsa; si vera, punitio ad legem exspectatur. Scripsit Paulus Kangiser - 23/09/2010 18h47
. . |
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||