|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
NUNTII 
Brasiliani novum Praesidem quaerunt
Praeses nunc vigens Ignatius da Silva, qui Lula nuncupatur, maxime a populo acceptus est quippe cui 85 civium centesimae partes favent et in optimis Praesidibus Brasilianis numeratur; Dilma vero Rousseff habetur Lulae política heres, quae apta est ut rem publicam in progressionen oeconomicam inducat, servato auxilio sociali pro egenis, qui adhuc hanc terram non pauci incolunt. Eadem die Dominica acta quoque sunt comitia ut parlamentarii eligerentur; qui primum locum obtinuerunt pro Lulae factione agunt, quae est “factio operariorum”, in ea et Dilma Rousseff interest; deputati 402 electi sunt qui Lulam fovent et idcirco Dilmam; reliqui 111 adversantur; inde patet maximam de republica potestatem Dilma acciperet si tandem Praeses crearetur; sin autem Iosephus Serra eligeretur Parlamentum adversum haberet et, ut rempublicam teneret, pactionibus uti deberet cum politicis contrariis qui Lulam sequuntur; senatores vero plerumque et Lulae favent. Incognitum est in utram partem ituros fautores candidatae Marinae Silva, quae tertium locum –cui 20 centesimae deditae sunt- die Dominica obtinuit; hanc, quae in Lulae gubernatione aliquando intefuit, factio viridis (qui circumiecta servanda curant) fovet; ex his pendet electio quae die 31 Octobris habebitur, nec non ex suffragiis aliorum candidatorum vel Plinius de Arruda, Iosephus Eymael, Iosephus de Almeida, Livius Fidelix et alii. Fons: El Mercurio de Santiago, 5 Oct. 2010. Commentarius auctoris: Quamquam hic agitur de re publica Brasiliana, tamen reliqui Americani et Europaei non sunt immemores amicitiae, quam Lula da Silva nuper tribuit Praesidi Iranio Mahmoudo Ahmadinejad, toto in orbe terrrarum notissimo, quod uranium comparet ad energeiam nuclearem generandam; incertum an usui tantum pacifico. Scripsit Paulus Kangiser - 06/10/2010 10h11
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Die Dominica tertia Octobris
cives Brasiliani ad comitia ierunt novum Praesidem sufragiis
creaturi; primum locum obtinuit Dilma Rousseff, quae fere 47
centesimas (47%) omnium suffragiorum accepit, quod non sufficit
ut victrix evenerit, nam ex Constitutione Brasiliana maioritas
absoluta requiritur; itaque die 31 Octobris nova suffragatio
habebitur ut cives aut Dilmam Rousseff aut Iosephum (José)
Serra, qui alterum locum (33%) obtinuit, Praesidem eligant.
