|
|
NUNTII
Increscit numerus terrae motus victimarum
Increscit numerus terrae motus victimarum
CCCCXXXII
homines interiisse putantur, plus quam M sauciati esse in
regionibus Turciae orientalis, ubi terrae motus immanis factus
est: ibi adiutores ex ruinis miseros extrahere conantur. Origo
seismi inter urbes Vanem et Ercim fuisse rentur periti.
Gravissima damna Erci, in oppido a Persarum finibus haud
longinquo, evenisse narrantur; minus affecta est Van, magna urbs
lacustris montibus circumdata.
Auctoritates
plurima tabernacula mittunt ut superstites gelu resistere
possint, qui se nihilo minus aiunt derelictos esse sibique
necessaria deficere: iam tumultus facti sunt ad pauca auxilia
diripienda.
Scripsit
Herimannus Novocomensis - 25/10/2011 22h22
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|