Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Jovis die 7 mensis Maii 2015
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
DE PROELIIS TUNISENSIBUS

De proeliis Tunisensibus

Partibus Islamicis moderatis, quibus nomen est “Motus pro renovatione” (Ennhada), comitiis nuper habitis in Tunisia, plura suffragia fuerunt quam ceteris (XC sedes comitiales obtinuerunt ex CCXVII) etiamsi non sufficiant ut iis sit maior pars apud Publicum Consilium Rei Publicae Constituendae cui munus praecipuum est novam Chartam Constitutivam inscribere. Qua re foedus cum aliis factionibus componendum erit, ut ait secretarius victorum partium Hamadi Djabali.

Tamen suffragiorum computatio pluries repetita quae vulgata est priore die Iovis a Consilio comitiis praeposito, controversias et concursus excitavit. Hachemi Haamdi, dux factionis quae nominatur Petitio Popularis, quarta suffragiiis habitis, nuntiavit se suas tabulas et electos amoturum esse a Publico Consilio Rei Publicae Reformandae. Nam iniuste a Consilio Comitiis Praeposito aliquas tabulas sublatas esse, detractis XIX sellis. Publicum Consilium Comitiale contra affirmavit legem ab iis violatam esse de pecuniae suppeditatione partibus; ad hoc quendam candidatum partium esse veteris regiminis ducis Ben Ali. Quoquo modo se res habet, amotio gregis ditissimi Haamdi, victoria partium moderatorum Ennhada magnam turbam effecit in oppido Sidi Bouzid, ubi anno praeterito die 27 mensis Decembris adulescens laureatus sed circulator sponte se combusserat ; hinc “ver Tunisense” initium habuit, hinc seditio qua Praesidens Ben Ali exactus est.

Proelia in viis non intermissa sunt totam noctem inter diem Iovis et Veneris. Mille reclamantes sedem partium moderatorum, municipii, aliquas tabernas adorti sunt. Aliqui frustra vastare conati sunt aedificium praefecturae clamantes: “Ennhada servi Americae” et “victores pecunia rei publicae Qatar”. Nam natio Araba Qatariana, socia Americanorum, fertur permutationibus de re politica opibus favere. Deinde custodes publici gasio lacrimatorio et ictibus in a๋ra reclamantes fuderunt. A vespero usque ad mane nocte insequenti ab auctoritatibus nocturna domuegressio vetita est. Die Veneris dux partium moderatorum Rachid Gannouchi Tunete sermonem habens reclamantes adlocutus est de moribus Islamicis; novam libertatem omnibus in civitate populari incipere, feminis munera magni momenti futura esse. Sed ab eo non omnibus persuasum est. Ante aliquot horas nuntius allatus est de mutata sententia principis partium Hachemi Haamdi: Petionem Popularem in Publico Consilio Rei Publicae Constituendae mansuram esse.

Scripsit Lydia Ariminensis - 29/10/2011 22h32



Catherine Gauchon
Artiste peintre



BREVES Civitas Islamica se perfecisse ictus igniferos confirmavit in aedes expositionis Curtis Culwell Center urbis Garland Texiae (USA), ubi die Solis duo homines sclopetando mortui sunt. Metam ictuum fuisse ibi habitum certamen gryllograhiae prophetae Mahomet. Duo homines mortui sunt ipsi aggressores armati, quos biocolytae Americani statim necaverunt. In pugna sauciatus est quoque unus biocolytarum.
Nonnulla milia Falasarum – Iudaeorum cutis nigrae ex Ethiopia oriundorum – reclamitant in urbe Tel-Aviv contra, ut dicunt, odium phyleticum regiminis Isrealiae. Tumultus Falasarum coepit ante abhinc tres dies, postquam biocolytae verberaverunt in via publica unum "Iudaeroum nigrorum".
Plus quam 5800 immigrantes Africani Siciliam petentes periculo mortis in mari erepti sunt ultimis duobus diebus a nautis Italicis. Minister primarius Italiae, Matteo Renzi, accusat Unionem Europaeam non satis agere ut Italiae opes in hac difficultate sint datae.

Iam 7.040 victimae numerantur terrae motus, qui ante septimanam percussit Nepaliam Tibetiamque.
Irania in Sinu Persico, ictibus monitoriis datis, vi cepit navem onerariam "Maersk Tigris", quae, licet sub vexillo Insularum Marshall navigaret, nautis solum Asiaticis aut ex Europa Orientali, pertinet ad nauclerum US-Americanum.

Supplicio in Indonesia peracto septem peregrinorum – quattuor Nigerianorum, duorum Australianorum et unius Brasiliani, qui omnes importatione narcoticorum ab iudicibus anno 2005 damnati erant – regimen Australiae revocavit ad consultationes legatum suum e Iacarta.
Secundum biocolytas Nepalenses, numerus victimarum tremoris terrae in Nepalia et Tibetia fieri posse fere quattuor millium (4.000).

In labina nivis sub Monte Everest facta 18 homines vitam amiserunt, 7.180 sauciati sunt, quorum in numero permulti alpinistae peregrini.


SCIENTIAE
OPINIONES
RELIGIO
INSOLITA
RELIGIO

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: