|
|
|
NUNTII 
De nummo Europaeo servando
 De nummo Europaeo
servando
Ad multam noctem Bruxellis a Ministris
Primariis Unionis Europaeae de remediis aptis euroni servando
disputatum est. Ad summam iam Europa divisa est: inter XXIII res
publicas convenit ut foedus fieret de severiore ratione accepti
et expensi ad fidem reparandam nummo Europaeo et eum ad
sustentandum, instar operae necessariae quae cuique
administrationi omnium consensu iniungatur. XVII res publicae in
quibus ratio aeraria euronis viget severiora onera probaverunt,
adiunctis VI civitatibus Unionis Europaeae, excepto regno
Britannico. Nam Minister Primariius Anglicus David Cameron a
ceteris de foedere pro eurone aperte dissensit: qua re in
omnibus fere actis diurnis hodie Regnum Britanniae scriptum est
ab Europa segregari.
In summi gradus conventu constitutum est
Argentariam Primariam Europaeam (ECB) pecuniam ab
Instituto Nummario orbis terrarum concessam ad adiuvandas res
publicas ex aere alieno laborantes praebituram esse; praeterea
spes est argentum quod opus est lacunis nummariis solvendis
auctum iri usque ad ducenta miliarda euronum. Tamen oportet
expensum omnis rei publicae non maius quam dimidia centesima pars
(0,5 %) accepti (GDP) sit.
Scripsit
Lydia Ariminensis - 10/12/2011 12h25
.
.
|
|
BREVES
SCIENTIAE
SOCIALIA
RELIGIO
SOCIALIA
RELIGIO
|
