Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Mercurii die 20 mensis Junii 2018
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
82

De imaginibus nubeculatis prophetam Mahometum irridentibus

Duodecim imagunculae nubeculatae, quibis irridebatur Mahometus, qui apud Muslimos summus propheta habetur, in actis diurnis Danis praeterito mense Septembri editae, furorem toto in orbe recentissime suscitaverunt; quamquam nonnulli de tumultibus arte excitatis suspicentur, ob longum temporis spatium interpositum. Non defuerunt qui, ex Arabicis civitatibus, ad pacificam dialogum hortarentur: nam Jihad Momani, diurnarius Iordanus, in actis hebdomadalibus "Shihane" quaesivit, utrum honor fidei Mahometanae imagunculis ridiculis an victima ante apparatum pelliculis imprimendis idoneum a raptore iugulata magis afficiatur; qui diurnarius post paucos dies in vincula coniectus est.

Mox tamen in plurimis civitatibus Muslimi reclamare coeperunt, quod iniuria religio sua affecta esset: in regionibus Palaestinis ab Iudaeis occupatis Hamas rebellionem conducere, domus legatorum Daniae Beryti et Damasci obsideri et incendi, odium in Occidentales augeri. Diuturne reclamatum est in Afgania, non tantum contra aedificia Danorum et Norvegorum, sed etiam in milites Occidentales qui iam diu ibi ad pacem restituendam missi sunt: aliquot reclamantes necnon milites Afganos vitam amisisse constat, undecim summatim. Etiam in urbibus Occidentalibus greges Muslimi blasphemas imagines condemnaverunt: dux communitatis Islamicae (imam) Mediolani, maximae urbis Italicae, "Ira in dies increscit: - inquit - ignem mox nemo domare poterit. Diurnariis istis, qui imagines contumeliosas ediderunt, venia petenda est, moderatoribus autem Italiae curandum est, ne talia abhinc repetantur. Cur religionem catholicam iniuria affici non licet, ceteras autem fides irrideri toleratur?"

In civitatibus Occidentalibus acriter disputatur, utrum hoc tempore iram Muslimorum suscitare oporteat an non, quantoque pretio libertatem ita exercere liceat: forsitan inde ortum est facinus horrificum, quo in urbe Turciae septemtrionali Trapezunte sacerdos catholicus Italicus Andreas Santoro ab adolescente inopinate missa vix celebrata interfectus est.

Scripsit Herimannus Novocomensis - 08/02/2006 23h05



Catherine Gauchon
Artiste peintre



BREVES Administer Matthaeus Salvini censum facere vult gentium Rom et Sinti in Italia commorantium ut eos expellat quibus manere non liceat, sed Minister Primarius Conte et vicarius Di Maio ab hac re dissentiunt, cum computatio ethnica non legitima sit.
Praeses Italicus Conte et Francogallus Macron constituerunt ut in Africa loca apta agnoscendis migrantibus petentibus asylum instruerentur et de foederis Dublini emendatione consenserunt.
Navis Aquarius migrantibus onusta repulsa a novo Administro Italico negotiis internis praeposito Matthaeo Salvini ad Hispaniam pergit.
Investigatio mortuorum post eruptionem Montis Ignivomi Guatemalensis intermissa est cum periculum esset ne nova saxa liquefacta e cavo expellerentur. XCIX inventi sunt, CXCVII dilapsi.
Post flagitium corruptionis virorum Factionis Popularis, rogatio Factionis Socialistae de diffidentia adversum Marianum Rajoy a legatis probata est; princeps Socialista Petrus Sanchez ante regem ut novus Minister Primarius iuravit.


OECONOMIA
IN ORBE
SOCIALIA
IN ORBE
POLITICA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: