Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Martis die 4 mensis Augusti 2015
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
De fuga Sinensis luminibus orbati

De fuga Sinensis luminibus orbati

Quamquam caecus aegrotusque vir Sinensis nomine Chen Guangchen, dissidens, qui causarum actor omnia per se ipse didicit, e carcere dimissus abhinc biennium, deinde domi detentus, ingenio ipsaque aegritudine usus est ut a custodibus effugeret. Nam narratur iam diu in lecto iacuisse; quod consulto videtur egisse ut custodiam laxaret neque quis se absentem animadverteret. Res bene successit. Nam media nocte subsequenti priorem diem Solis a pago Dongshigu evasit. Ab altero dissidenti ille existimatur Pechini morari in tutela ac praesidio legatorum Civitatum Foederatarum Americae vel etiam in sede Legationis. Tota familia avulsa a civitate diutius vitam agit. Praeterito anno filia sex annorum prohibita est ire ad ludum, nunc autem tres custodes eam continenter sectantur, sarcina perquisita, nec post scholam ei licet domo exire.

Defensor quadraginta annos natus in vincula coniectus erat cum operam dedisset ut abortus coacti tollerentur. In taenia visifica vulgata hesterno die in interrete Ministro Primario Wen Jiabao alloquitur, narrans de vi et de familiaribus verberatis rogansque eum ut confecta investigatione circiter LXXX vel C homines eius familiam insecuti de vi accusentur.

Omnia fiunt in tempore gravi, satis ambiguo de re politica, ante Conventum Factionis Communisticae. Hodierna aetate maiore libertate quam sub regimine principis Deng Xiao Ping cives Sinenses vitam agunt sed instrumenta ad reprimendam dissensionem non desunt. Primi familiares mala patiuntur. Post fugam dissidentis Che, frater a custodibus comprehensus est, aliique eius familiae in magno discrimine versantur.

Scripsit Lydia Ariminensis - 28/04/2012 22h31



Catherine Gauchon
Artiste peintre



BREVES Post quinas septimanas, cum clausa remanebat, die Lunae denuo aperta est bursa Atheniensis. Statim post initium sessionis pretia negotiationum Graecarum amiserunt 20% valoris (argentariae 30%), postea tamen aliquantulum crescere coeperunt.

Consumptio mundana socolatae acerbae (e faba cacaotica factae) cretura est proximos quinque annos passu 9 centesimarum annuatim, usque valorem 51,7 miliardorum dolariorum (anno 2019) nuntiat Technavio, societas aestimatoria mercatus mundani.
Tres consanguinei Osamae bin Laden mortui sunt in calamitate aeria, cum in Britannia aeroplanum eorum subito in terram collisisset.
Regimen Aegypti nuntiavit finitam esse structionem novi Euripi Pharaonis (Canalis Sueziensis), qui currit iuxta veterem canalem, ante 145 annos structum.

Periti Francogalli percontantur partem alae aeroplani, quae inventa est ante nonnullos dies in mari prope insulam Reunion. Ala putatur fuisse aeroplani Boeing 777 societatis Malaysia Airlines, quod ante septendecim menses super Oceano Indico evanuit.
Jonathan Pollard, speculator Israelianus anno 1987 in USA in vincula sempiterna damnatus, mense Novembri huius anni petere apud iudices poterit, ut carcere dimittatur nuntiavit eius patronus.
Turcia id poscente, Bruxellis conventuri sunt delegati omnium terrarum sociarum NATO, ut de periculo Turciae de parte Civitatis Islamicae (IS) imminenti disputent. Analytici putant Turciam, potius quam auxilia sociorum petere, explanare velle suos incursus aerios in vicina Syria contra IS et Kurdos.


OECONOMIA
INSOLITA
ATHLETICA
RELIGIO
SCIENTIAE

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: