Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Saturni die 25 mensis Octobris 2014
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus
Poesis
Otium
Ars vivendi
Periegetica
Crucigramma
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

NUNTII
Syriam in locis desertis probare arma gasi venenosi

d.16. m.Sept. a.2012, h.08:29

Bellum civile

Syriam in locis desertis probare arma gasi venenosi

Speculum Hammaburgense (DER SPIEGEL) accepit exercitum dictatoris Syriaci Baschar al-Assad in regione desertâ prope Beroeam (Aleppo) sitâ probavisse armorum systemata, quibus gererentur granata gasi venenosi.

Assad praeses Syriae (imago archivi): Praesto sunt magnae copiae gasorum venenosorum.

Hammaburgo ex urbe – Praefecti militum Iraniani, quos esse vigiles revolutionis verisimile est, dicuntur helicopteris in illam regionem allati esse: Exercitus dictatoris Baschar al-Assad dicitur mense Augusto exeunte probavisse systemata granatorum gasi venenosi gestatoria.

Hoc saltim affirmatur a variis testibus. Probationes factas esse prope centrum arma chemica investigandi, quod situm est prope Safiram, in oriente Beroeae (i.e. Aleppo) metropolis oeconomicae. In locis desertis, quae appellantur Diraiham, prope vicum Chanasir, e phractocinetis1 et aeroplanis proiecta esse quinque sexve granata non completa, quae apta essent ad chemicas substantias pugnatorias.

Probari sarinum et tabunum et yperitam

Centrum Safirense habetur pro Syriae officinâ arma chemica probandi omnium maximâ. Quae in tractu collium aedificata officialiter appellatur „Centrum investigandi scientificum". Investigatores Iraniani et Boreocoreani referuntur operari in hôc complexu aedificiorum obserato, in quo occidentalia officia secreta nuntiant fabricari gasa venenosa, quae nuncupantur sarinum et tabunum et yperitam sive gasum sinapium, ibidemque probari bestiis adhibitis.

Mensibus proximis praeteritis numerus vigilum huius officinae denuo exauctus est plus centum militibus electis quartae divisionis cataphracticae2. Item allata esse generatra3 magnasque copias benzini diseliani, ut etiam seditiosis impetum facientibus sufficeret fluentum electricum ad refrigerationem servandam.

Seditiosi sperant copias Americanas officinam custodituros esse

At seditiosi nolunt expugnare centrum investigandi: Quidam praefectus militum in aliquo vico prope sito versans, qui transfûgit ad Exercitum Syriae Liberum, dicit haec: "Nos speramus copias Americanas hanc officinam esse custodituros. Neque volumus dictatoris asseclas his armis usuros esse neque post eius ruinam eademque incisura esse in manûs radicalium4."

Syria refertur in numerum civitatum, quae maximas habeant copias gasorum venenosorum totius mundi. Medio mense Augusto Barack Obama praeses US-Americanorum praesidem Assad clarê et apertê monuerat, si regimen Syriacum in conflictu Syriaco uteretur armis chemicis vel biologicis, Civitates Unitas responsuras esse actione militari.

1 *phractocīnētum, -ī n. theod. Panzer; angl. Tank
2
dīvīsiō *cataphractica theod. Panzerdivision; angl. tank division

3 *generātrum, -ī n. theod. Generator; angl. (electric) generator

4 *(homō polīticus) *rādīcālis theod. Radikaler; angl. radical

 

Hanc relationem d.16.m.Sept., a.2012 in Germanico periodico interretiali, c.t. est „spiegel online" editam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/

Titulus originalis est: „Bürgerkrieg – Syrien testet Giftgaswaffen in der Wüste".

 

 

 

Scripsit Nicolaus Gross - 17/09/2012 12h53



Catherine Gauchon
Artiste peintre



BREVES Circiter XXX milites Aegyptii in paeninsula Sinai ob autoraedam displosam et sclopetationes occisi sunt: quam caedem jihadistae perpetrasse putantur.
Ottavae, in capite Canadae, postquam miles apud monumentum bellicum vigilans occisus est, armati in sedem senatoriam ingressi pluries sclopetaverunt.
Synodos generalis episcoporum catholicorum de familia expleta est; die Solis Paulus VI, pontifex qui anno MCMLXXVIII obiit, beatificatur.
In Himalayae montibus, totius orbis supremis, inexspectata procella nivea montium lustratores deprehendit, quorum duodetriginta saltem interierunt.
Custodes publici vehementer adgrediuntur reclamantes, qui in foro Hongkongensi libera comitia iam diu postulant.


RELIGIO
IN ORBE
OECONOMIA
RELIGIO
OPINIONES

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: