|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
SCIENTIAE
De bosone Higgsiano compertoDies IV mensis Julii huius anni physices studiosis posthac memorabilis erit: nam Genevae in aula magna Consilii Europaei Requisitionis Nuclearis (CERN) Fabiola Gianotti, studiosa Italica, nuntiavit compertum esse bosonem Higgsianum, particulam circiter 125 Gev ponderis, quem exsistere anteviderat anno MCMLXIV Petrus Higgs, illo tempore vir XXXV annos natus materiae secreta ignotus in universitate Edimburgensi investigans, charta et calamo tantum praeditus. Qui senex orationi aderat et timide dixit: "Vobis gratulor, mirabile est mihi viventi tanti momenti exitum aspicere!" Boso Higgsianus ultima materiae particula invenienda erat, ut opiniones saeculo XX gradatim creatae de rerum naturae simplicissimis fragmentis confirmarentur: nunc pro certo habetur XVII variis particulis atomis exiguioribus omnia consituta esse. Ut brevissimo tempore indicia bosonis patefierent, protones celerrime multoties moveri et collidere anno MMVIII coeperunt per orbem particularum acceleratricis machinae circumcurrentes, tubum sub terra apud lacum Lemanum positum XXVII chiliometra longum, cuius exstructio quadrilustris fuit. Minima fuit bosonis vita, nam sine mora in alias particulas commutatus est, quae novas scientiae physicae vias studiosis demonstrabunt. Scripsit Herimannus Novocomensis - 08/07/2012 22h40 . . |
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||