|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
SCIENTIAE
BIOLOGIA Mures matres tonsas plus lactis secernere Mures matres si tondentur plus lactis secernunt. Hoc demonstratum est a biologis Britannis perquisitione factâ. Qui investigatores opinantur hunc effectum cohaerere cum murium matrum regulatione temperaturae. Mirandum erat, quantum valeret tonsura completa ad secretionem lactis: 15% (quindenis centesimis partibus) plus lactis secretum est a tonsis muribus matribus. Necnon proles exaucta est tonsura matrum – catuli matrum tonsarum ipsi 15% maiores facti sunt quam catuli matrum intonsarum.
Investigatores cum Iohanne (John) Speakman cooperantes in periodico, c.t. "Journal of Experimental Biology" (t. 207, p.4233) rettulerunt se opinari in causâ esse corporis murium feminarum meliorem refrigerationem. Grex scientistarum invênit copiam lactis a mure feminâ fabricandam decisivê dependêre a calore corporis emittendo. Quem calorem oriri digestione ciborum et lactis fabricatione. Ne mures nimium calefierent, his bestiis esse corpus refrigerandum quam efficacissimê. Investigatores referunt calore corporis emissibili limitari copiam energiae recipiendam. Etiam nôtum esse vaccas lactiferas diebus aestatis fervidis in stabulis male temperatis versantes secernere lactis copiam minorem. Hanc relationem d.16.m.Nov., h.10.05, a.2007 in periodico interretiali „Spiegel online" editam e Theodisco sermone in Latinum convertit versionemque appendiculâ lexicographicâ instruxit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/ Scripsit Nicolaus Gross - 16/12/2007 21h17 . .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
