CINEMATA
Hobbitus iam ultimus
 Hobbitus iam ultimus
Hobbitus,
sive pugna quinque exercituum (The Hobbit: The Battle of
the Five Armies) – est tertia et ultima pars trilogii
Hobbit, id est pelliculae trium partium, factae a dispositore
Neozelandico Petro (Peter) Jackson secundum librum a
J.R.R. Tolkien anno 1937 scriptum, titulatum "Hobbitus sive
huc et illuc" (The Hobbit, or There and Back Again).
Draconi
Smaug vitam superare contigit in insidiis contra se a cohorte
Thorini male factis. Statim fere postea draco iste aggreditur
urbem Esgaroth. Montem Solitarium autm appropinquat exercitus
goblinum et vargarum. Mox fiet pugna quinque exercituum, e quo
victorem evadet... Fortasse melius, si id non dicemus, ne
spectatores ante pelliculam spectatam eventum sciant. Ceterum
memoria tenere debemus historiam Hobbiti continuatum iri in
altero trilogio Tolkieniano - "Dominus anulorum" (Lord
of the Rings). Multi ergo harum historiarum amatores,
postquam novam pelliculam inspexerint, statim tria cinemata
alterius trilogii - "Cohors anuli", "Turres
duae" necnon "Reditus regis" - libenter denuo
spectabunt.
Pugna
quinque exercituum facta esse potest - ut nonnulli Tolkienistae
putant - secundum memoriam ipsius scriptoris primi belli mundani
(1914-18), quo tempore J.R.R. Tolkien ut praefectus militum
Britannorum in Francogallia contra Germanos pugnabat. Cuius omnes
fere commilitones vitam in his pugnis amiserunt.
Partem
hobbiti Bilbo Baggins agit Martin Freeman, Gandalfi Pulli - Ian
McKellen, Thorini - Richard Armitage, Balinis - Ken Stott, Bofuri
- James Nesbitt acdraconis Smaug - Benedict Cumberbatch
(computatraliter in draconem transformatus).
Scripsit Stanislaus Tekieli
|
