Varsoviae nata
per rete divulgata
ad omnia scitu digna spectans

Jovis die 19 mensis Septembris 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

RELIGIO

DE PRAESEPIS ORIGINE

Prima origo praesepis in Evangelio invenitur: «Maria peperit filium suum primogenitum, et pannis eum involvit, et reclinavit eum in praesepio: quia non erat eis locus in diversorio.” (Lucas, II,7). Ab antiquitate pingendi artifices Virginem cum Filio effinxerunt, sed praesertim in saeculo XV tabulae mirandae de hac re pictae sunt. Imago vera picturam Diei Natalis secuta est: consuetudo praesepis exstruendi Sancto Francisco Asisiensi ascripta est. Ut traditur, anno MCCXXIII Graecii in Latio primum Praesepe, quod Pontifici Honorio III placuit, comparatum est. Initio non tamen Virgo Maria, Sanctus Joseph e Jesus infans in stabulo adfuerunt: Thomas Celanensis Sancti vitae scriptor narrat fenum in praesepi positum esse, asinum et bovem ductos, quasi Graecium Bethlehem fieret. Postea mos adeo pervulgatus est ut ubicumque in ecclesiis ad Diem Natalem celebrandum, statuae sacrae et aliarum personarum inter res naturales fidelibus praebitae sint. In saeculis XVII maximeque XVIII apud ditissimorum domos certatim praesepia e marmore, opera insignium artificum, formata sunt. Paulatim consuetudo etiam in domos pauperum diffusa est, tamen non eodem modo: suum cuique urbi et regioni genus praesepis fuit. Celeberrimum manet Neapolitanum: die Sanctae Luciae dicato mercatura sigillorum fit, quorum species, magna arte expressae, etiam claros viros et feminas nostrae aetatis effingunt. Hodie praesepia viventia cum viro, femina et puerulo, qui partes Sacrae Familiae agunt, saepe apparata sunt.

Scripsit Lydia Ariminensis - 15/12/2015





BREVES Latrina aurea artificis Mauri Cattelan, opus pretiossisimum cui pondo centum tria kiliogrammata, apud Palatium Blenheim exposita in comitatu Oxoniensi erepta est. Visitatoribus licuit ea uti invicem per tria minuta.
Post petitionem terroristicam diebus superioribus apud caput Bactrianum ad Boreoamericanorum legatorum aedes Praeses Trump conuentum cum Talebanorum ducibus ad pacem tractandam aboleuit. "Magni erunt effectus" princeps Talebanorum praedixit.
Hodie Joseph Conte, cui mandatum erat ut novam Italiae gubernationem constitueret ad Quirinalem se contulit ut indicem XXI administrorum ablata exceptione praeberet. Cras coram Praeside rei publicae ius iurandum omnes dabunt. Fides petetur die nono mensis Septembris in consilio legatorum populi. Post sesquiannum novam administrationem idem Minister Primarius creavit, auxilio Quinque Stellarum et Factionis Democraticae.
Sardinia. Francus Columbu annos LXXVIII natus, unus Italorum qui summum trophaeum "Olympiam" ad disciplinam physicam bis uicit, in Sardinia sua imprompte interiit. Amicus ille fidus Arnualdi Schwarzenegger fuit, qui socium plangit.
Germania. Puer VIII annos natus autoraedae gubernator factus est: ille enim parentum autoraedam abstulit atque milia passuum ducenta in hora peragrauit. Postquam constitit, "Gubernator fieri modo cupiebam" dixit.


POLITICA
INSOLITA
POLITICA
SCIENTIAE
INSOLITA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: