Varsoviae nata
per rete divulgata
ad omnia scitu digna spectans

Veneris die 29 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

SANCTUS

EVANGELIUM SECUNDUM LUCAM (Cap.XX)

XX. Quodam die, docente illo populum in templo et fauste nuntiante, factum est, ut superuenirent pontifices et scribae cum senioribus,

2 et loquentes ad eum dicerent: ‘Dic nobis, qua potestate haec facias, uel quis sit, qui dedit tibi potestatem hanc?’.

3 Respondens autem dixit ad illos: ‘Interrogabo uos et ego uerbum; et dicite mihi:

4 Ioannis immersio e caelone erat an ex hominibus?’.

5 Qui cogitabant inter se dicentes: ‘Si dixerimus: ‹E caelo›, dicet: ‹Quare non credidistis illi?›;

6 si autem dixerimus: ‹Ex hominibus›, plebs uniuersa lapidabit nos: certi enim sunt Ioannem uatem esse’.

7 Responderunt se nescire, unde esset.

8 Iesus dixit eis: ‘Neque ego dico uobis, qua potestate haec faciam’.

9 Coepit autem dicere ad populum collationem hanc: ‘Homo plantauit uineam et locauit eam colonis, et [ipse] peregre fuit satis longis temporibus.

10 Tempore [constituto] misit ad colonos seruum, ut de fructu uineae darent sibi. Coloni tamen caesum dimiserunt inanem eum.

11 Denuo alium seruum misit. Illi tamen etiam illum caesum et contumeliâ affectum dimiserunt inanem.

12 Denuo tertium misit. Illi tamen etiam hunc uulneratum eiecerunt.

13 Dixit autem dominus uineae: ‘Quid faciam? Mittam filium meum dilectum; forsitan hunc reuerebuntur’.

14 Quem cum uidissent coloni, cogitauerunt inter se dicentes: ‹Hic est heres. Occidamus eum, ut nostra fiat hereditas›.

15 Eiectum eum extra uineam occiderunt. Ergo quid faciet illis dominus uineae?

16 Veniet et perdet colonos istos et dabit uineam aliis’.Quo audito, dixerunt: ‘Absit!’.

17 Qui aspiciens eos dixit: ‘Quid est igitur id, quod scriptum est: ‹Lapis, quem reprobauerunt aedificantes, factus est caput anguli›?

18 Omnis, qui ceciderit supra illum lapidem, conquassabitur; super quem uero ceciderit, eum comminuet’.

19 Quaerebant scribae et pontifices mittere in eum manus illa hora, et timuerunt populum. Cognouerunt enim ad semet eum dixisse collationem hanc.

20 Cum obseruauissent, miserunt insidiatores, qui se iustos simularent, ut caperent eum in verbo, et sic traderent eum principatui et potestati praesidis.

21 Interrogauerunt eum dicentes: ‘Magister, scimus te recte dicere et docere, neque accipere personam, sed in ueritate uiam Dei docere.

22 Nobis licetne dare tributum Caesari an non?’.

23 Intellecto autem dolo illorum, dixit ad eos:

24 ‘Ostendite mihi denarium. Cuius habet imaginem et inscriptionem?’.

25 Qui dixerunt: ‘Caesaris’. Qui dixit ad illos: ‘Ergo reddite ea, quae Caesaris sunt, Caesari et ea, quae Dei sunt, Deo’.

26 Non potuerunt uerbum eius reprehendere coram populo et tacuerunt mirati responso eius.

27 Cum autem accessissent quidam sadducaeorum, qui negant esse resurrectionem, interrogauerunt eum

28 dicentes: ‘Magister, Moyses scripsit nobis: Si frater alicuius mortuus esset habens uxorem et hic sine filiis fuisset, ut frater eius duceret illam uxorem et suscitaret semen fratri suo.

29 Itaque septem fratres erant: et primus duxit uxorem et mortuus est sine filiis;

30 et secundus

31 et tertius duxit eam, similiter tamen et septem non reliquerunt filios et mortui sunt.

32 Vltima mortua est etiam mulier.

33 Mulier igitur in resurrectione, cuius eorum uxor erit? Si quidem septem habuerunt eam uxorem’.

34 Dixit eis Iesus: ‘Filii huius saeculi uxores ducunt et nubunt;

35 ei uero, qui digni habentur saeculo illo et resurrectione ex mortuis, neque uxores ducunt neque nubunt.

36 Neque enim ultra mori possunt, nam sunt aequales-angelis et filii sunt Dei, cum sint filii resurrectionis.

37 Quod uero resurgunt mortui, etiam Moyses ostendit ad rubum, sicut dicit [Scriptura]: ‹Dominum Deum Abrahami et Deum Isaaci et Deum Iacobi›.

38 Deus autem non est [Deus] mortuorum, sed uiuorum: omnes enim uiuunt ei’.

39 Respondentes autem quidam scribarum dixerunt: ‘Magister, bene dixisti’.

40 Amplius non audebant eum interrogare quidquam.

41 Dixit autem ad illos: ‘Quomodo dicunt Christum filium esse Dauidis?

42 Ipse enim Dauid dicit in libro psalmorum: ‹Dixit Dominus Domino meo: Sede a dextris meis,

43 donec ponam inimicos tuos scabellum pedum tuorum›.

44 Dauid igitur Dominum illum uocat; et quomodo filius eius est?’.

45 Audiente autem omni populo, dixit discipulis suis:

46 ‘Attenditote a scribis, qui uolunt ambulare in longis uestibus et amant salutationes in foris et prima sedilia in congregationibus et primos discubitus in conuiuiis,

47 qui deuorant domos uiduarum et specie orant longe. Hi maiorem sument damnationem’.

Scripsit fr.Benedictus Huculak OFM - 13/02/2020



.

.

  UTILIA

Bibliotheca Augustana
The Latin library
Latinitas Romana Salesiana
Poesis Latina Hodierna

  VARIA

  SCRIBE NOBIS

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: