|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
Denuo navis Gazam petitura a Graecis retinetur
Denuo magistratus Graeci navem quandam prohibuerunt, ne Gazam peteret. Navis Francogallica, cui nomen „dignité al Karama“, prope Cretam insulam retenta in portum Sitianum tracta est. In qua nave praeter ceteros Olivier Besancenot erat, qui quondam praesidiatum in Francogallia petiverat. Navis ipsa, quae nunc a vigilibus maritimis perscrutari dicitur, ad classem auxiliariam cursum in Gazam tenentem pertinet, ex qua novem omnino naves in portibus Graecis retinentur. Graecos Israelibus in ea re indulsisse apparet, qui minati sunt se eas naves vi armisque a Gaza prohibituros. Anno superiore, cum nonnullae naves simili modo auxilia in Gazam ab Israelibus custoditam ferre conarentur, in nave Turca, cui nomen “Mavi Marmara”, novem homines a militibus Israelibus necati sunt. Sed Israelibus nova imminet molestia: plus DC Palaestinensium fautores Veneris die in aeroportu „Ben Gurion“ prope urbem Tel Aviv sito exspectabuntur. Qui unam septimanam in Palaestina manere volunt, ut pro libertate Palaestinensium reclament. Sed Israeles praenuntiaverunt se accuratissime eos perscrutaturos esse, quia ius esset omnibus civitatibus eos, qui nihil aliud vellent nisi provocare, ingressu prohibere. Scripsit Volfgangus Austriacus - 09/07/2011 13h01
. .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
