|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
IN ORBE
Demetrius Medwedew, praeses Russiae, denuo minatus est fore, ut missilia atomica in urbe Kaliningrad collocarentur, nisi Civitates Unitae quid concederent in missilibus suis ad Europam defendendam instituendis. Nisi Americani ad timores Russorum respicerent, novum missilium genus in parte Russiae occidentali positum iri Medwedew in televisione Russa hodie declaravit. Russi, qui illis Americanorum consiliis semper diffisi essent, iam anno MMVII talia se facturos minati sunt. Cum foedus Atlanticum affirmaret se illa arma praecipue ad missilia Iraniana arcenda collocare velle, Russi timebant, ne eo modo aequilibrium armorum in periculo esset. Qui scilicet ab Americanis poscunt, ut sibi facultatem armis atomicis se defendendi praestent. sed sermones , qui de his rebus habebantur, adhuc in irritum ceciderunt. Scripsit Volfgangus Austriacus - 04/12/2011 19h49
. .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
