|
|
|
IN ORBE
s
 Mori illicitum est
Incolis vici Longyearbyen in Insulis Svalbard (quod nomen
Gelida Litora sonat) emori non licet: illi enim qui adeo graviter
aegrotant ut de vita periclitentur, iussu auctoritatis navi aut
aėronavi in aliam regni Norvegorum partem pervehuntur ut ibi
mortem obeant et sepeliantur; si quis tamen forte inopinate
moritur, inde corpus similiter aufertur. Nam ante LXX annos
compertum est propter algidum caelum (insula enim prope circulum
polarem Arcticum iacet) corpora neque putrefieri neque dissolvi,
qua re nullum amplius cadaver in parvo sepulchreto post funebrem
inventionem illam positum est.
Cadavera tam perfecte servata a plurimis studiosis investigata
sunt; exempli gratia recentissime virus illud compertum est, quod
causa fuit famosi et mortiferi morbi, cui nomen "influentia
Hispanorum" attributum est, qui per totam Europam milia
milium primo bello mundano furente interfecit.
Scripsit Herimannus Novocomensis - 12/08/2008 07h56
|
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34
Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
