|
|
|
IN ORBE
egimen Slovacum cives patriam amare iubet
 Regimen Slovacum cives
patriam amare iubet
Regimen Slovacum lege accepta civibus
praescribit, ut patriam suam ament. Ea lege, quae ab
Kal.Aprilibus (!) valebit, praeter cetera id providetur, ut
conventus cuiuslibet generis posthac ab hymno nationali cantando
incipiantur. Quin etiam certamina athletica ab hymno incipi
oportebit. Praeterea in omnibus classibus scholarum publicarum
insigne et vexillum nationale, deinde verba hymni nationalis et
praefatio constitutionis affigenda erunt.
![]()
In discipulis quoque erudiendis ratio amoris patriae habenda
erit. Quin etiam magistratibus iurandum erit insignia rei
publicae sibi honori fore. Tamen regimen a lege primo lata
destitit, qua providebatur, ut iuvenes syngraphum primum
accipientes rei publicae iusiurandum darent. Quod nisi
impetrassent, democratae sociales huic proposito nescio an non
assentiti essent.
Scripsit Volfgangus Austriacus - 06/03/2010 23h34
.
.
|
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34
Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
