Varsoviae nata
per rete divulgata
ad omnia scitu digna spectans

Saturni die 11 mensis Julii 2020
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

OECONOMIA
Unio Eurasiatica instituitur

Unio Eurasiatica instituitur

Astanae, in capite Kasachiae, Vladimirus Putin cum praesidibus Rutheniae Albae Kasachiaeque Unione Eurasiatica constituta foedus oeconomicum fecit. Quam rem esse maximi momenti Putin dixit, cum hac pactione mercatus CLXX milionibus hominum communis fieret. Cui pactioni si conventus nationales assenserint, ab anno MMXV ineunte commeatus inter eas civitates liber atque expeditus erit summa cum rerum oeconomicarum consensione. Mox etiam Armenia et Kirgistania foederi adiunctum iri dicuntur. Tamen Vladimirum Putin non solum oeconomicae, sed politicae unioni studere apparet.

Qui scilicet negavit se Unionem Sovieticam renovare velle, cum affirmaret Unionem Eurasiaticam Europam Asiamque inter se coniuncturam esse. Sunt quidem, qui persuasum habeant Russos praecipue id agere, ut suam potestatem, quam habeant in media Asia, confirment, propterea quod auctoritas Serum abhinc annos prope viginti in his regionibus creverit. Praeterea eos auctoritatem Unionis Europaeae minuere velle, quae ad nonnullas civitates pristinae Unionis Sovieticae iam pertineat. Num Rutheni Albi vel Kasachii coniunctionem politicam desiderent, dubium est; nam primum timent, ne Russorum auctoritas in tanta rerum oeconomicarum iniquitate nimis praevaleat; deinde res, quae in Ucrainia geruntur, iis sunt sollicitudini timentibus, ne Russi, ut qui paratos se praestiterint ad populares suos vi armisque defendendos, simili modo suis ipsorum rebus se interponant.

Scripsit Volfgangus Austriacus - - 31/05/2014 14h13



L.V.P.A. e.V. - Latinitati Vivae Provehendae Associatio e.V.

LEO LATINUS publicat libros audibiles et discos compactos textuales

Grex Latine Loquentium

VOX LATINA - Latinitas recens vivaque Saravipontana

FOLIA PERENNI LATINITATI DICATA


.

.



BREVES Augustae Tiberiae Georgius Ratzinger, frater Benedicti XVI, nonagesimo sexto anno aetate, mortem obiit. Artis musicae peritissimus, ordines sacerdotales acceperat eodem die ac Papa Emeritus qui ante duas hebdomadas eum ivit salutatum.
Praeses Trump postulat decem annorum poenam carceris in eos qui monumenta publica vel destruant vel inscriptionibus vitient; nuper enim Praeses ex Aedibus Albis prospicit turbam, quae conabatur Andreae Jackson statuam deicere.
Apud Ciuitatem Mexicum terra maxime tremuit: concussio tanta enim fuit, ut rationis Richterianae gradum prope octauum attigit. Ruinae tamen notitia nulla peruenit, quamuis pollentissimus tremor fuisset.
Compertum est dexametasonam, quae est species steroidis, posse sanare vili pretio partem fere tertiam aegrorum, qui ex viro covidiano laborant. Sic nuper provulgatum est ab Universitate Oxoniensi. Hoc enim est primum pharmacum, quod hos aegros partim potest mederi.
In urbe Itala Mediolano furor iconoclasticus statuam celebris diurnarii Alexandri Montanelli percussit, qui opinionis conservativae fuerat, odii phyletici et stupri accusatus. Aliqui discipuli Universitatis per teniam sibi vindicaverunt scelus: simulacrum colore rubro inquinatum est.


IN ORBE
SOCIALIA
IN ORBE
SCIENTIAE
IN ORBE

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: