|
|
POESIS
De Cerere Buduiciana
Cum sit, Iane, tuus mensis, proficiscimur, actus
Buduiciumque uocet. Quis dubitare potest?
Quid uoueant, quaeris, nobis haec moenia amoena,
quidque sibi faciens hic fore credat iter.
Aurea in optandum liquefiunt hordea potum
et tosta in laticem uertitur arte Ceres.
Et pisces oleum, trito qui pane teguntur,
reddit et eueniunt porcus anasque foco.
scripsit
Martinus Zythophilus
|
|
|