|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POESIS Animalia terra marique II Ovis Ecce oves cum pastore, Semper pleno in amore. Illae dabunt lac abunde, Fiet caseus tunc unde. Vellus oves dabunt, lanam Nigram, albam, vestem sanam. Dicunt oves servivere Olim hic illic pro aere. Semper gaza erunt illae, Quae cum agnis sic tranquillae. Capra Caprae scire cupientes Raro illae sunt iacentes. Frondes varias edentes Erigunt se depascentes. Capra scit quas herbas legit, Sensus certus illam regit. Ergo caseus caprinus Cunctis medicus festinus. Matre sucta en capelli Saltatores ut novelli. Felis Forsan si feles legere sciant, Illae noscendi cupidae fiant: „Quid nunc de nobis homines scribunt, Feles num mures quaerere ibunt? Cur mihi ungues minime scio, Omnes me mulcent, socia fio, Hodie feles dominae dignae, Desine murem, non mi insigne.“ scripsit Aurelius Vidulić. |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||