|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POESIS Ex aliena patria Ex aliena terra veniens, ubi bellum iam in vitas inciditur cruentum, tu, fragile repletumque per navigium fugiens, odorem suavem nativum miser fers. Idem caelum adspicis quam terrae illud relictae cum novum locum inspicis. Parvule puer, vide quam incertum ignotis in aquis iter sit somnia quam nugae infantiles facta sint. Procul se adtutus inter astra attendit ubi deum tuum patremque quaerere non desinis. Ad ripam, splendore comitatus sidereo, cum iam vesper modestas domus obnubit, non minoribus amplexibus acciperis. Tu, non minore timore captus, amorem renovatum accipis, oculos tamen afflictos ad regionem vertens tuam quae te renegavit. Pauper tu es, poculum lactis saltem calidi nec strugulum, etsi durum, tibi non desunt. Age, puer, subrisus ad te venit, ad te currunt qui te ignorant, en, felix tibi Natalis festum diei erit. scripsit Johannes Teresi |
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||