“Bolivia progreditur; Evo promissa persolvit”

Sub verbis supra scriptis Praeses Bolivianus, Evo Morales, consilium cepit ut pecuniam a Venetiola acceptam in municipia distribueret;  itaque ipse burgomagistris (sive maioribus) pecuniam porrigere solet ut in municipiis  aedificia,  vias, pontes, gymnasia, aliaque opera communia extruantur.

Operum extructorum in 338 municipiis per quadriennium fere 4 milia computantur. Haec pecunia non solum municipiis sed etiam militibus et syndicatibus data suspiciatur, neque ullus dubitat quin haec expensa ope Hugonis Chávez, Venetiolani Praesidis, agantur, qui annua dollarum ad 70 milia Evoni Moralis mittit. Ignoratur utrum pecunia credita an donata sit.

Pecuniae tamen  missio nunc est interclusa, cuius causa putatur angustum oeconomicum, quod in Venetiola esse grave. Hugo Chávez munus praesidentiale si efficere valetudinis causa iam non posset et idcirco alius Praeses ibi crearetur, tunc Bolivia Venetiolae amplissimo credito obligata erit et solvere deberet. Inde Evonis Morales lemna quod est “Bolivia progreditur; Evo promissa persolvit” irritum relinqueretur, nisi de fisco Boliviano erogarentur subsidia.                      

Scripsit Paulus Kangiser - 27/07/2011 08h31

DE PHILIPPINIS IURIBUSQUE HUMANIS NOVO PRAESIDE REGENTE

DE TIMORIA ORIENTALI ABHINC ANNOS VIGINTI SUI IURIS FACTA

CAEDES “DIEI DOMINICI CRUENTI” ABHINC ANNOS L DERIAE FACTA

VOLUNTNE SINAE HAC GENERATIONE FORMOSAM CAPERE?

DVX COMPREHENSVS

.

.

Subnotationes fient
ante finem Septembris.