Varsoviae nata
per rete divulgata
ad omnia scitu digna spectans

Veneris die 29 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

POLITICA
Quomodo consensus stipulatus inter Americam et Russiam iam a die Lunae fructus suos attulerit pro Syriis habitantibus vi bellica

Quomodo consensus stipulatus inter Americam et Russiam iam a die Lunae fructus suos attulerit pro Syriis habitantibus vi bellica extenuatis

Colloquio de rebus statuendis peracto et duodecim per horas ducto, America et Russia nuntium fecerunt de communi statuitione pro hostilitate in Syria cessanda ab occasu dies Lunae incipienda.

Consensus gratia, Genavae statuti, inter Americanum consiliorum administrum Johannem Kerry et rerum Externarum ministrum Russum Sergei Lavrov, Res Syriae Publica efficiet ut acta militaria ad finem adducantur aliquibus regionis locis sub inspectione factionum oppositarum. Nationum Unitarum legatus apud Syriam, Staffan de Mistura, exoptabat ut consensus hic conamina renovata promoturus esset ad acta bellica politice definienda.

Consensio, de qua agitur, accepta est etiam a gubernatore Syrio, Assad, sed non allexit partes adversas (ISIS et AL NUSRA, cuius asseclae coniuguntur cum factione AL QAIDA). Ex eo consequitur, secundum opiniones rerum politicarum peritorum, ut consensus non sufficiat ad actuum bellicorum finem agendam.

Quod pertinet ad opinionem Russam (gubernatoris scilicet Putin), consensus optimus est et cessationem sanguinis expandendi et feritatis immanis parabit: cui rei idem gubernator se addit operaturum esse cum Rei Syriae Publicae praepositis, qui coniunguntur cum eo, ut acta militaria cruentissima ad finem adducantur.

Plerique consensum non efficacem putant esse, factionum adversarum causa. Huic difficultati adiungenda est inclinatio non suspendenda Russiae et Syriae ad actus perpetrandos contra factiones adversas extremas et moderatas, ab America sustentas, causam interponentes se asseclarum factionum adversarum periculum persistens debellare.

Interea Syrius gubernator, Bashar al Assad, in aede sacra urbis, quae appellatur Daraya, moratus est in oratione. Haec urbs, fulcrum rebellionis, se Rei exercitibus Publicae tradidit quattuor post annis.

Syrium drama gravissimum factum est: mortui sunt magis quam decies centena milia et profugi, qui partim ad urbes viciniores confugiunt et partim ad Europam se vertunt, enumerari non possunt, adeo ut dici possit numerum perfugarum e Syria maiorem esse quam Secundi Belli Mundani fugitivi.

Tamen interruptio bellica brevissima fuit, sicut multi suspicati sunt.

Indutiae, quibus flatum gentibus extenuatis infundere putatum esset, irritae factae sunt. Ictus inceperunt rursus proicii contra insontes pueros adultosque, quorum origo-more solito – ignoratur.Centrum medicum ictum est: victimae sunt tredecim. Hoc solum scimus et a nobis ipsis petimus: curnam haec regio orbis terrarum turbari non desinit?

Fati causa? Fuitne pacifica aliquo tempore? Et quis incitat vim bellicosam aliquarum factionum, quae, sub praetexto religioso, caedes ferissimas perficiunt? Si principium divinum fit vexillum contentionis, non est divinum, sed humanum; nam factiones bellicosae nullam rationem humanam habent, quia, secundum Antiquorum dictamen, res humanae semper rebus divinis coniunguntur.

Scripsit Johannes Teresi - 24/09/2016 16h13


.

.

BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35
Bratislaviae Slovacorum conveniunt duces 27 terrarum sociarum Unionis Europaeae - primum sine Britannia.
Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM





 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: