Varsoviae nata
per rete divulgata
ad omnia scitu digna spectans

2004 - 2014
IAM DECEM
ANNOS!
Saturni die 18 mensis Novembris 2017
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Nuntii Finnici
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

BIOGRAPHIAE
De Anna Magnani (1908-1973)

De Anna Magnani (1908-1973)

Cum omnibus actricibus scaenicis Italis, quae praesertim in rebus cinematographicis egregie versatae sint, minime aequiperanda est Anna Magnani, cui ortus, vultus, animus singularissimi fuerunt.

Ab ignoto viro hanc feminam Romae die 7 Mart. a. 1908 peperit Marina Magnani, a qua parum filia amata est. Quare Anna apud quasdam materteras pueritiam et adulescentiam degit et saepe, cum de suo ipsius ortu mentionem faceret, dicere solebat: "Marinae filia sum et illius 'filii meretricis'..." [Italice: "Sono figlia di Marina e di quel fijo de 'na mignotta..." ('mignotta' est vocabulum, cuius originatio ducenda videtur a voce quadam Francogallica, etsi haud neglegenda, ut videtur, est origo haec: 'matris ignotae', sicut in baptismi actis quondam scribi solebat quotiens de infantuli matre non constaret, unde verisimiliter 'mignotta' derivari potuit). Sententia supra relata legitur in opere, quod 'De illustrioribus feminis Italis' inscribitur quodque ab 'administrorum Consilio' editum est Romae, anno 2003; vol. III, pp. 161-163)].

Studiorum curriculo interrupto, scholas artis dramaticae frequentavit Anna, quae gradatim aliquas in operibus theatralibus et cinematographicis partes agere coepit, quarum tamen paucae memoratu dignae sunt. Anno 1935 nupsit Godefrido Alessandrini, scaenarum moderatori, a quo parum apta aestimata est ad artem cinematographicam exercendam. Dum propter Godefridi mulierositatem et maxime ob stimulos amoris, quibus Anna semper obnoxia fuit, hoc matrimonium labefactatur, ipsa Maximum Serato, actorem scaenicum pulcherrimum, novit suumque amasium reddidit. Hoc e vinculo, quod paucis post annis Maximus rupit, filius natus est, nomine Lucas.

Anno 1945 Robertus Rossellini, et ipse mobilium imaginum artifex, Annam voluit participem pelliculae cinematographicae c. t. 'De Urbe indefensa' (Italice: 'Roma città aperta'), quo spectaculo res narrantur, quae hieme annorum 1943-'44, dum Romam occupant milites Germani, vero tragiceque acciderunt. Partem feminae popularis virum suum a nazistis captum et unâ cum aliis Italis autocineto militari vectum ad mortem certam clamantis, nemo est fortasse spectatorum quin animo memoret valde commoto. Illa pellicula, qua genus cinematographicum 'realismum renovatum', ut aiunt, ortum est, magis a spectatoribus peregrinis, quam Italis, statim plurimi facta est.

Aliis postea in spectaculis cinematographicis primas egit Anna, veluti ex. gr. in illo, c. t. 'De rosa in corpore persignata', quae pellicula a dramate quodam Thomae L. Williams originem duxit. Cui tamen viro hortanti ut in America maneret non paruit haec femina, quod gloriam semper contempsit et quia moribus Romae vigentibus tam penitus imbuta erat, ut longe ab Urbe vitam degere non posset. Ardentissimo cum esset praedita animo 'Nannarella'(hoc enim cognomine ab amicis vocitari solebat), interdum videri potuit mutabilis et impatiens; sane neque facilis neque commoda neque obsequio pronior mulier fuit. At sub quadam loquendi et agendi procacitate, cui saepius Anna indulgebat, ipsa suam ipsius indolem fragilem ac generosam celare contendebat: a viris enim, quos perdite amaverat, semper destituta est, etiam ab ipso Roberto Rosselli, qui omnium infidelissimus fuit. Hic enim Ingridem Bergman praetulit.

Lectori cuidam quaerenti qualis femina revera fuerit Anna Magnani, "verisimiliter summa actrix totius artis cinematographicae nostratis", respondit Indrus Montanelli (in actis diurnis, quae 'Corriere della Sera' inscribuntur, die 23 Oct. 1999 editis, p. 41) atque addidit: "et haud dubie femina infelicissima ac sibimet admodum infensa fuit, inter multas, quas noverim".

Die 26 Sept. 1973, cancro correpta pancreatico, Anna Magnani mortua est. Quadam in huius feminae biographia nondum edita nonnullae sententiae continentur, quas Anna de se ipsa scripserat, ex. gr.: "Duos fines totam per vitam adsequi sum conata: ut animum purum integrumque servarem semperque verum dicerem".

In locis interretialibus infra signatis nonnullaeimagines huius actricis (praesertim oculi arguti et loquaces) et vox clara firmaque spectari et audiri possunt :

1)<http://tinyurl.com/3dgglz>
2) <http://tinyurl.com/2elon3>
3) <http://tinyurl.com/25mmco>

Pisauri, die septimo m. Mart. a. MMVIII.

Scripsit Victorius Ciarrocchi



Profectae de profectura edita sunt!

  ARS VIVENDI
Lactuca farta
Ecce vobis patina e Campania ad rusticas cenas temporis Natalis!
  SANCTUS
EVANGELIUM SECUNDUM MARCUM
Hic legitur capitulum 10 in Latinitatem classicam conversum
  CULTUS
Critica analysis de Cantu XXVIII Purgatorii Comoediae Dantis
  CULTUS
De arte poetica et novis communicandi modis
  CINEMATA
NORMAN
De modico ascensu et tragico casu ardalionis Neoboracensis

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: